Спорт • 06 Мамыр, 2021

Жақсылық Үшкемпіровты еске алуға арналған халықаралық турнир өтеді

10 рет көрсетілді

Нұр-Сұлтан қаласы әкімдігінің қолдауымен 7-9 мамыр күндері грек-рим күресінен қазақтан шыққан тұңғыш Олимпиада чемпионы, Еңбек ері Жақсылық Үшкемпіровті еске алуға арналған халықарлық турнир өтеді, деп хабарлайды Egemen.kz.

Нұр-Сұлтан қалалық дене шынықтыру және спорт басқармасының мәліметінше, 2001-2003 жылы туған жасөспірімдер арасында өтетін турнирде балуандар 55, 60, 63, 67, 72, 77, 82, 97, 130 келі салмақ дәрежелерінде бақ сынайды.

 Байрақты бәсекеге Қазақстан, Ресей, Грузия, Украина, Тәжікстан, Қырғызстан және Өзбекстан елдерінен 250-ден аса спортшы қатысады. Жарыс жеңімпаздары мен жүлдегерлері диплом, медальдармен марапатталады. «Елдегі карантин талаптарына сәйкес халықаралық турнир жанкүйерсіз өтеді. Көрермендер жарысты Qazsport арнасынан тікелей эфирде тамашалай алады. Жарыстың салтанатты ашылу рәсімі 7 мамыр күні сағат 16:00-де болады», деді әкімдік өкілдері.

Соңғы жаңалықтар

Хэм ағай

Әдебиет • Кеше

Несие көрсеткіші артты

Экономика • Кеше

Ұқсас жаңалықтар