Аймақтар • 10 Мамыр, 2021

35 үй отқа оранды: Ормандағы өртті ауыздықтау қиындап барады

688 рет көрсетілді

Риддер қаласының төңірегіндегі алапат өрт елді мекенге еніп үлгерді, деп хабарлайды Egemen.kz

Өкінішке қарай, екі адам аурухана төсегіне таңылса бір адам көз жұмған.

Соққан жел тілсіз жауды тежеуді одан сайын қиындатып, Лесхоз шағын ауданындағы 35 үйді шарпыды. Құтқарушылар Лихачев көшесінің 10 тұрғынын эвакуациялады.

Өрттің ошағында, орманда орман шаруашылығы жеке құрамының, жергілікті атқарушы органдардың және ТЖД өрт сөндірушілерінің 118 қызметкері және 20-дан астам техника жұмыс істеуде. 310 гектар отқа оранған. Оны сөндіруге МИ-8 және МИ-2 әуе орман күзетінің тікұшақтары келіп, 17 500 текше метр су төкті.

Жедел жәрдем желісі бойынша Лесхоз кентінен 1949 және 1980 жылы туған екі ер адам күйік шалып, жергілікті аурухананың жансақтау бөліміне жеткізілді. Ал полицейлер 1948 жылы туған әйелдің мәйітін тауып алды. Қазіргі уақытта деректер нақтылануда. Мамандардың пайымдауынша, өртті қасақана қойған немесе отты абайсыз пайдаланған.

Соңғы жаңалықтар

Ұқсас жаңалықтар