![Қазақстан мен Өзбекстан арасын жаңа теміржол желісі жалғамақ](/media/2021/07/26/relsy.jpg)
«Қазіргі Сарыағаш өткізу пунктінде жүктемені түсіруді қамтамасыз ету үшін Қазақстан мен Өзбекстан арасында «Дарбаза-Мақтарал» жаңа теміржол желісін салу жоспарлануда. «Дарбаза-Мақтарал-Жизақ» немесе «Дарбаза-Өзбекстан» станциясы Сарыағаш өткізу пунктінің ағымдағы жүктемесін ескере отырып, жаңа өткізу пункті құрылмақ», деді Жәнібек Тайжанов.
Оның айтуы бойынша, аталған жобаны іске асыру учаскенің өткізу қабілетін 2 есе ұлғайтуға, жүктерді тасымалдау мерзімін 1,5 есе қысқартуға мүмкіндік береді.
«Бұл жоба Орталық Азияның Еуропаға экспорттық-импорттық ағымын қабылдауға мүмкіндік беріп, Қазақстанның халықаралық нарықтардағы ұстанымын нығайта түседі. Қазіргі уақытта Сарыағаш станциясы арқылы жүк тасымалдау шамамен 26 мың тоннаны құрайды, жаңа өткізу пунктінің құрылысын аяқтау қорытындысы бойынша Өзбекстанмен жүк тасымалдау шамамен 50 мың тоннаға дейін ұлғаяды деп болжануда», деді Жәнібек Тайжанов брифингте.