«Назар аударыңыз, сауалнама Цукерберг негізін қалаған әлеуметтік желінің 20 жылдығына орай өткізіледі!».
Facebook мессенджерінің пайдаланушыларына дәл осындай хабарлама келіп, 100 мың теңгеге ие болу мүмкіндігі ұсынылатын сауалнама таратылады. Сілтеме квиз-сайтқа өтеді - бұл интерактивті форматта ұсынылған сауалнамасы бар бір беттік сайт. Жалған сауалнаманың шарттары бойынша, пайдаланушы төрт қарапайым сұраққа жауап беріп, сыйлықты таңдап, тапқан ақшасын алуы керек.
Facebook-тің Гарвард университетінің студенттерімен байланысатын сайт ретінде құрылған күні 2004 жылдың 4 ақпаны екенін белгілі. Демек, танымал әлеуметтік желінің 20 жылдық мерейтойына дейін тағы үш жыл бар. Алайда, бұл барлық пайдаланушыларды тоқтата бермейді. Көптеген адамдар ақпаратты тексермей, сұрақтарға жауап бере отырып, «сәттіліктерін» тексеруді жалғастырады.
Сауалнамадан кейін парақшада сыйлық қораптары пайда болады, олардың арасынан біреуін таңдау керек. Әрине, олардың кез келгенін басу арқылы пайдаланушы дұрыс таңдау жасайды және оның «кездейсоқ» ұтысы 100 мың теңгені құрайды. Жүлде ұтып алғандар қаражатты қолға шығару үшін алаяқтарға өздерінің ТАӘ, ЖСН, карта деректемелерін, банк картасының артқы жағындағы үш таңбалы кодты жіберіп, ұйымдастырушылардың шотына салық ретінде белгілі бір ақша сомасын аударған жағдайда, алаяқтық іске асады.
