Оқиға • 04 Тамыз, 2021

Елордада мас жүргізуші 15 тәулікке қамауға алынды

12 рет көрсетілді

Елордада жол ережесін өрескел бұзған мас жүргізушіні басқа көліктегілер түсіп келіп тоқтатпақ болған. Алайда олардан қашпақ болған мас жүргізуші алдындағы көлікті соғып тоқтады, деп хабарлайды Egemen.kz.

Оқиға кеше сағат 21.49-да елорданың Мәңгілік ел даңғылында болған. «Toyota» маркалы көлік жүргізушісі жол ережесін өрескел бұзып, апатты жағдай туғызған. Жүргізушіні тоқтатпақ болған елорда тұрғындарының бірі қарсылыққа тап болды. Оқиға орнына келіп жеткен патрульдік полиция экипажы жүргізушінің құжатын тексеру кезінде көлік салонынан ішімдіктің иісін бұрқырап тұрғанын байқаған.

Медициналық сараптама қорытындысы ер адамның жеңіл дәрежеде мас күйде болғанын анықтады. Көлікті мас күйде жүргізген ер адамға қатысты ҚР Әкімшілік құқықбұзушылықтар туралы кодексінің 608-бабы 1-тармағы бойынша әкімшілік өндіріс қозғалды. Көлік айып тұрағына қойылды.

Сот шешімі бойынша, жүргізуші он бес тәулікке әкімшілік қамауға алынып, жеті жыл мерзімге көлік жүргізу құқығынан айырылды.

Полицияда елордада өткен жылмен салыстырғанда мас жүргізушілердің көбейгенін атап өтті. Былтырғы 7 айда қалада 308 мас жүргізуші ұсталса, биылғы жылдың осындай кезеңінде мас күйінде көлік жүргізген 861 адам жауапқа тартылған. 2021 жылдың басынан бері мас жүргізушілер кесірінен 10 адам түрлі дене жарақатын алып, бір адам қаза болған. Жалпы осындай 162 жол-көлік оқиғасы тіркелген.

«Осындай оқиғалар салдарынан бейкүнә адамдар қаза тауып, жарақат алатынры өкінішті. Мас жүргізушілер кінәсімен болатын апатты жағдайдың алдын алу – елорда полициясының басты міндеті.

Жол қозғалысын күн сайын қадағалау, көлікті мас күйінде жүргізу фактісін болдырмау бойынша рейд күн сайын жүргізілуде», деп атап өтті елордалық полицияның басшысы Ержан Сәденов.

Соңғы жаңалықтар

Қош бол, Америка!

Әдебиет • Кеше

Смартфонға сыйған сауда

Технология • Кеше

Қарымды қаламгер

Руханият • Кеше

Халықаралық кездесулер

Қазақстан • Кеше

Ұқсас жаңалықтар