3 тамызда Маңғыстау облысы ПД криминалдық полиция қызметкерлері Түпқараған ауданының жергілікті тұрғынының сарайынан жалпы салмағы 200 келіден асатын бекіре тұқымдас балықтарды тауып, тәркіледі.
Сонымен қатар тоңазытқыш, екі моторлы және бір резеңке қайық, бинокль, рация, су резеңке костюмі, сондай-ақ мың метрден астам балық аулау желісін тәркіледі.
«Бекіре – қызыл кітапқа енгізілген балық. Бұл балықты аулауға заңмен тыйым салынған», деді Маңғыстау облыстық полиция басшысы Жанарбек Бақтыбаев.
Ұсталған 21 жастағы ер адамға қатысты ҚР ҚК 339-бабы бойынша сотқа дейінгі тергеу басталды.
