Ж.Пралиеваның сөзіне сүйенсек, демалыс күндері ойын-сауық орталықтары мен үлкен сауда үйлеріне тек «жасыл» мәртебелі қызметкерлер мен азаматтар кіре алады.
«Вакцина алған, теріс нәтижелі ПТР-тесті бар, сондай-ақ тұрақты медициналық қарсы көрсетілімдері бар және соңғы 3 айда коронавируспен ауырған адамдар Ashyq жүйесінде «жасыл» мәртебе алған. Сенбі, жексенбі күндері жұмыс істейтін нысандарға тек осы санаттағы азаматтар кіре алады», деді Ж. Пралиева.
Ал «көк» міртебесі бар адамдар демалыс күндері облысаралық және облысішілік көлік тасымалы, қонақ үй, әуежай, теміржол вокзалы, білім беру ошағы, жоғары оқу орны мен колледж, интернат және білім беру ұйымдарының жатақханасына еркін кіріп-шыға алады.
«Бұл шаралар коронавирус инфекциясының таралу және жұқтыру қаупін азайту және тоқтату үшін қажет. Халықтың көп бөлігі вакцина алмайынша, пандемия аяқталмайды. Осыны түсіну керек», деді орынбасар.
