Қоғам • 07 Қыркүйек, 2021

Көлік полицейлері поезд жолаушысын әкімшілік жауапкершілікке тартты

114 рет көрсетілді

Ағымдағы жылдың сегіз айында ҚР ІІМ Көліктегі полиция департаментінде поездың тоқтату кранын жұлып алудың 27 фактісі тіркелді. Бұл туралы Департамент бастығы Оңал Бекеев айтты, деп жазады Egemen.kz.

«Мәселен, ағымдағы жылдың 5 қыркүйегінде Жамбыл облысының «Бурылбайтал-Қарасай» аралығында тоқтату кранын қолдануына байланысты «Нұр-Сұлтан-Нұрлы-Жол – Алматы-2» бағытындағы жолаушылар поезды тоқтаған. Поездың жоспарланбаған тұрағы 4 минутты құрады.

Тексеру барысында көлік полицейлері заңға қайшы әрекет жасаған жолаушыны анықтады. Ол Түркістан облысының 42 жастағы тұрғыны болып шықты. Тәртіп сақшылары жоғарыда аталған азаматтың спирттік ішімдік ішіп, мас күйінде тоқтату кранын жұлып алғанын анықтады», деді О.Бекеев.

Медициналық куәландырудың қорытындысына сәйкес, оның «орташа дәрежедегі» алкогольдік масаң күйде болғаны анықталды.

Департамент бастығының айтуынша, тоқтату краны тек ерекше жағдайларда ғана қолданылады. Атап айтқанда вагонда жолаушылардың өміріне немесе қозғалыс қауіпсіздігіне қауіп төндіретін ақау шыққан кезде, пойыз көпірде немесе көпірдің астында және жолаушыларды эвакуациялауға жол бермейтін басқа да жерлерде тұрып қалған жағдайды есептемегенде, өрт шыққан жағдайда ғана пайдалануға рұқсат етіледі.

«Көлік сақшылары құқық бұзушыны пойыздан түсіріп, ҚР ӘҚБтК-нің 440-бабының 1-бөлігі, яғни алкогольдік ішімдік ішу немесе қоғамдық орындарға масаң күйде келу және 560-бабының 1-бөлігі, яғни қажетсiз ретте поезды заңсыз тоқтату бойынша әкімшілік хаттамалар толтырды», деп түйіндеді сөзін О.Бекеев.

«Ағымдағы жыл басынан бері әртүрлі әкімшілік құқық бұзушылық жасағаны үшін көлік полицейлері - 30 667 құқық бұзушыны, оның ішінде алкогольді ішімдіктерді ішкені немесе қоғамдық орындарға мас күйінде келгені үшін 3 186 азаматты әкімшілік жауапкершілікке тартты. Сондай-ақ, тоқтату кранын жұлып алудың 27 жағдайы тіркелді», деп толықтырды сөзін полиция генерал-майор.

Соңғы жаңалықтар

Ұмытылмас тарихи сәт

Пікір • Бүгін, 07:43

Батыл көзқарас, байыпты жол

Пікір • Бүгін, 07:42

Ел сенімін арттырған

Пікір • Бүгін, 07:41

Қапысыз халық қалауы

Пікір • Бүгін, 07:40

Шағын бизнестің шарапаты

Бизнес • Бүгін, 07:39

Сапалы интернет қолжетімді

Қоғам • Бүгін, 07:35

Жас саясаткер мектебі

Қоғам • Бүгін, 07:33

Мамандық таңдаудың маңызы

Қоғам • Бүгін, 07:31

Шабанбай биге құрмет

Аймақтар • Бүгін, 07:30

Эйс жасаудың шебері

Теннис • Бүгін, 07:25

Аққан жұлдыз ізімен

Таным • Кеше

Ұқсас жаңалықтар