Аймақтар • 12 Қыркүйек, 2021

Қарқабат анаға ескерткіш қойылды

142 рет көрсетілді

Қарқаралы қаласына кіре берісте есімін бір қауым ел ұранға айналдырған Қарқабат анаға ескірткіш орнатылды. Таза мыстан құйылған мүсіннің тұғырымен қосып есептегендегі биіктігі 7,5 метр болады.

Қарқабат ана ескерткішінің ашылу салтанатына Қазақстан Жазушылар одағының төрағасы Ұлықбек Есдәулет, ақын, Мемлекеттік сыйлықтың лауреаты Серік Ақсұңқарұлы және атқарушы билік пен зиялы қауым өкілдері, құрметті қонақтар қатысты.

– Қазақ халқының тарихында із қалдырған Қаздауысты Қазыбек биден бастап батыр-ғарышкер Тоқтар Әубәкіровке дейінгі тұлғалар анасының есімі ешқашан ұмытылмақ емес. Бұл ескерткіштің өскелең ұрпақты отансүйгіштік рухта тәрбиелеу ісіндегі маңызы зор, – деп атап өтті нысанның ашылуында сөз сөйлеген Ұлықбек Есдәулет.

Еңселі ескерткішке қажетті қаражатты Орталық Қазақстан академиясының ректоры Бақтыбай Жү­ні­сов бастамашы болып, Қарқабат ана ұрпақтары жи­наған.

Қазақстан Суретшілер одағы Қарағанды облыстық филиалының шеберханасында құйылған ескерткіштің авторы – белгілі мүсінші Бейбіт Мұстафин.

Соңғы жаңалықтар

Доллар арзандады

Қаржы • Бүгін, 17:01

Ұқсас жаңалықтар