![Пәкістанда лаңкестермен атыс кезінде 7 сарбаз қаза тапты](/media/2021/09/16/crop-8_7_470x836_thumbs_b_c_39963fa799644d8f1e45e4603d9cc654.jpg)
Пәкістан армиясының қоғаммен байланыс бөлімінің хабарлауынша, атыс Азман Манза ауылында антитеррорлық операция кезінде болған.
Аймақта операция әлі де жалғасуда.
Әскерге шабуыл жасаған топ туралы ақпарат әзірге жоқ.
«Техрик-е Талибан Пакистан» (TTP) террористік ұйымы 2007 жылы Пәкістанда құрылған және аймақтағы бейбіт тұрғындар мен әскерилерге шабуыл жасаумен келеді.
Исламабад TTP Ауғанстаннан басқарылады деп мәлімдейді.
2014 жылдан бері ТТР-ға қарсы әскери операциялар барысында Пәкістанда 5 мыңнан астам террорист жойылды, 700 -ден астам сарбаз қаза тапты.