Саясат • 17 Қыркүйек, 2021

Фасилитациялық сессиялар басталды

18 рет көрсетілді

NEET санатындағы жастарды анықтау және есептеу бойынша ұсыныстар әзірлеу мақсатында 16 қыркүйекте Нұр-Сұлтан қаласында бірінші фасилитациялық сессия өтті.

Оның жұмысы 23 қыркүйекте жалғасып, 29 қыркүйекте аяқ­талады. Іс-шараға Жастар және отбасы істері комитетінің төр­ағасы Ш.А.Бай­манов, сондай-ақ Дү­ниежүзілік банктің жобаны бас­қару тобының, Қазақстан Рес­публикасының Стратегиялық жоспарлау және реформалар жөніндегі агенттігінің, Еңбек және халықты әлеуметтік қорғау министрлігінің өкілдері, жастарды дамыту саласындағы сарапшылар мен жастар ресурстық орталықтары қатысты.

Сессия барысында әрбір қала мен аудан бойынша NEET өңірлік деректер базасын құру мәселелері, сондай-ақ жастардың осы санатын есептеу әдіснамасы талқыланды.

Фасилитациялық сессияның нәтижелері бойынша NEET санатындағы жастар тобын, сондай-ақ осал топтарға жататын жастардың негізгі қажеттіліктерін анықтау тәсілдері бойынша ұсыныстар дайындалады.

Сондай-ақ NEET санатындағы жастармен жұмыс істеуге ба­ғыт­талған әдістемелік құралдарды дайындау үшін NEET санатындағы жастарды анықтау, есепке алу және есептеу әдіснамасы жоба­сына ұсынымдар әзірленеді. Ұсы­ныстар жиналады, жіктеледі және ұсынымдар форматына келті­рі­летін болады.

Жоба Қазақстан Респуб­ли­касының Ақпарат және қоғам­дық даму министрлігі және Дүние­жүзілік банктің жобаны басқару тобы арқылы іске асырылады.

 

«Егемен-ақпарат»

 

Соңғы жаңалықтар

9 су қоймасы салынады

Экология • 22 Қазан, 2021

Ұқсас жаңалықтар