«Ер адамның аңшы мылтығынан оқ атқанын, қару оған 2008 жылдан бері тіркелгені белгілі болды, ол жүйке-психиатриялық диспансерде тіркелмеген», деді Қанат Тимерденов.
Еске салайық, 20 қыркүйекте 17.00-де «Ақбұлақ» шағынауданында Алматының Алатау ауданында атыс болған еді.
Үйден шығару туралы сот қаулысы мен сот шешімін орындау кезінде үйдің тұрғыны - 1967 жылы туған ер адам озбырлық көрсетіп, сот орындаушыларына, учаскелік полиция инспекторларына, төтенше жағдай қызметкерлеріне қарудан оқ жаудырған.
Бес адам, оның ішінде қызметтік міндеттерін атқарып жүрген екі полиция қызметкері оқтан жарақат алып, қайтыс болды.
Күдікті ұсталды. Бүгінде жағдай бақылауда. Қылмыстық іс қозғалды. Тергеу шаралары жүргізіліп жатыр.
