Оқиға • 29 Қыркүйек, 2021

ШҚО-да екі тұрғын үй өртеніп кетті

ШҚО-ның Глубокое ауданында екі бірдей жер үй өртенді, деп хабарлайды Egemen.kz.

ШҚО ТЖД баспасөз қызметінің ақпараты бойынша, хабарлама келіп түсе салысымен өрт сөндіру бөлімшесі дереу Предгорное ауылына өрт орнына шыққан. Оқиға орнына келген кезде, 2 отбасына арналған жер үйдің 2-пәтерінде шатырдың ағаш конструкциялары, верандалар, жиһаздар мен жеке заттар жанып, көрші пәтердің шатырының ағаш конструкцияларына таралған.

Өрт сөндірушілер жанып жатқан үйден 3 газ баллонын алып шықты.

105 шаршы метр алаңдағы өрт сөндірілді.

Үйдің өртенуінің себебі – электр жабдықтарын орнату және пайдалану кезінде өрт қауіпсіздігі талаптарын сақтамау. Электр сымдарының оқшаулауы шатыр бөлмесінде орналасқан тарату қорабындағы механикалық бұралудың салдарынан өртенді.

Екінші оқиға Белоусовка кентінде болды. Мұнда өрт сөндірушілер 100 шаршы метр алаңдағы өртті сөндірді, отты абайсыз қолдану салдарынан шаруашылық құрылыстары блогының қабырғалары мен шатыры жанып, өрт тұрғын үйдің шатыры мен қабырғаларының ағаш конструкцияларына одан әрі таралды.

«Біздің азаматтарымызға өрттің алдын алу үшін электр желілерін шамадан тыс жүктемеңіз және іске қосылған электр аспаптарын қараусыз қалдырмаңыз, зақымдалған оқшаулағышы бар электр сымдарын, қолдан жасалған жылыту аспаптарын пайдаланбаңыз деп ескерткіміз келеді. Отпен абай болыңыз. Өрт шыққан жағдайда дереу «101» немесе «112» телефондары бойынша хабар беріңіз», деді Глубокое аудандық төтенше жағдайлар бөлімі бастығының міндетін атқарушы Константин Боровиков.

Күннің маңызды және өзекті жаңалықтарын «Егемен Қазақстан» телеграм каналынан оқыңыз