Қазақстан • 30 Қыркүйек, 2021

Ауыл шаруашылығын субсидиялаудың жаңа тұжырымдамасы әзірленуде

141 рет көрсетілді

ҚР Ауыл шаруашылығы министрі Ербол Қарашөкеев мәлім еткендей, елімізде ауыл шаруашылығы саласын субсидиялау реформасы қайта қаралып жатыр, деп хабарлайды Egemen.kz.

«Мемлекет басшысы өз Жолдауында ауыл шаруашылығы саласын субсидиялауды қайта қарауды міндеттеді. Осы мақсатта министрлік субсидия реформасын қайта қарап, жаңа тұжырымдама әзірлеуге кірісті. Жаңа тұжырымдама аясында субсидия беру критерийлері жеңілдетілмек. Сол арқылы субсидиялау процесін бақылау да жеңілдейді. Екіншіден, субсидиялау механизмі нақты нәтиже мен көрсеткішке бағытталуы тиіс. Үшіншіден, субсидия алатын ауыл шаруашылығы өнімдерін өндірушінің нақты жоспары мен жұмыс нәтижесі болуы керек. Субсидия алушыға жүктелетін жауапкершілік еселене түспек. Яғни, субсидия берудің тиімді екеніне көз жеткізуіміз қажет. Төртіншіден субсидиялау аясын кеңейту жоспарда. Ендігі уақытта қуатына қарамастан барлық субъектілерге субсидия берілетін болады. Бұған дейін субсидиялауда ірі өнеркәсіптерге аса мән беріліп келген», деді Ербол Қарашөкеев Үкімет өткізген баспасөз мәслихатында.

Министрдің айтуынша, алдағы уақытта субсидияны рәсімдеу процесі жеңіл болмақ.

«Субсидияны рәсімдеуді де жеңілдетпекпіз. Біріншіден, процесті автоматтандыру бұл заман талабы. Екіншіден, адамның қатысуынсыз құжаттастыру болуы мүмкін сыблайлас жемқорлықтың алдын алады», деп толықтырды министр.

Оның айтуынша, жаңа тұжырымдаманы министрлік жанынан құрылған арнайы жұмыс тобы әзірлеп жатыр.

Соңғы жаңалықтар

Алматы маңында жер сілкінді

Аймақтар • Бүгін, 16:18

Доллар 9 теңгеге арзандады

Қаржы • Бүгін, 16:10

Ұқсас жаңалықтар