Әдебиет • 13 Қазан, 2021

Қазақ аспанында Қасым рухы

321 рет
көрсетілді
2 мин
оқу үшін

Артындағы адуынды тол­қынға өзінің бай мұрасын таразылауды тарту еткен ақын әлемі мұрагерсіз емес. Қасым рухы аспандаған салтанатты сәтте Қазақстан Жазушылар од­ағының мүшесі, Мемлекеттік «Да­рын» Жастар сыйлығының лауреаты, ақын Ерлан Жүніс пен «Құрмет» орденінің иегері, «Абай әндері», «Қасымның әндері-ай» концерттік жо­ба­ла­­­рының авторы әрі жетек­­шісі, әнші Гүлбаршын Тергеу­бе­ко­ва қазылық жасап, жас талант­тарға бағыт-бағдар берді.

Қазақ аспанында Қасым рухы

Бұл жолғы байқауға Қара­ғанды ақындары ғана емес, Алматы, Солтүстік Қазақстан, Қы­зылорда, Шығыс Қазақстан, Атырау, Ақтөбе, Қостанай об­лыс­тарынан және Нұр-Сұлтан, Түркістан, Павлодар қала­ла­рынан 18-35 жас аралы­ғындағы талантты жастар қа­тысты. Барлығы 118 өтінім келіп түс­кен. Тіпті Польша елінен де өтініш келіп түскен екен. Бұған қарап, алдағы уақытта халық­аралық деңгейдегі оқу болатынына сеніміміз мол.

Ақынның дүбірлі тойында әке есімін ұлықтап, арнайы ат терлетіп келген Қа­сым ақынның ұрпақтары, шөбере қарындастары Шолпан Қадырғалиева мен Дәмегүл Рақымжанова іс-шараның құр­метті қонақтарының қатарынан көрінді. Жастарға ақ тілегін арнап, баба рухына көрсеткен құрметтеріне ризашылығын білдірді.

«Жас дәурен» вокалдық бай­қауы мен «Дүниеге келер әлі талай Қасым…» поэзия байқауы бойынша өткен өнер додасы 2 күнге созылды. Ақтық мәреге жолдама алған 15 талапкер өз ішінде кім мықтыны анықтады.

Поэзия аталымында бас жүлде қызылордалық Ақжол Түменбайға бұйырды. Бірінші орынды қарағандылық Жә­лел Шалқар алса, Мақсат Кү­зем­ханов екінші орынды қа­нағат тұтты. Жас ақындар Ай­зада Рахымжанова, Ар­шын Нұр­бақыт, Арайлым Му­рат­­­алиева үшінші сатыдан кө­рінді. Ал ән байқауы бо­йын­­­ша қара­ғандылық Айбек Рым­­ғали­дың ерекше дауысы ешкім­ді соңынан ілестірмеді. Нұр-Сұл­тандық Сырым Мұ­хамет­жа­нов бірінші орынға, Кәмшат Тұрабекова тұғырдың екінші сатысына жайғасты. Жас талапкерлер Ерасыл Алпысбай, Қуандық Төкенов, Жанболат Байсолтан тиісінше үшінші орынды қанжығалады. Қалған қатысушылардың барлығына Арнайы диплом мен ақшалай сыйлық табыс етілді.

Екі күнге созылған ән мен жыр додасы ғасырлар тізбегіне үн қосқан Қасым ақынның әде­би мұрасы халқымыздың та­лайлы тағдырында із қалды­рып, көкірегінде сәулесі бар жан­дардың ойына орда тікті.

Олар бабадан қалған өнер құді­ретіне алғыс айтып, Қа­раған­дының асқақ рухы үшін асқан мақтаныш сезім арқалап тарасты.