Қазақстан • 21 Қазан, 2021

Студенттердің өнертабыстары халықаралық деңгейде танылды

51 рет көрсетілді

Жердің кіші жасанды спутниктерінің инновациялық конструкторларын Әл-Фараби атындағы Қазақ ұлттық университетінің ғалымдары ойлап тапты. Бұл туралы Білім және ғылым ми­нистр­лігі хабарлады. Құрылғы оқушылар мен студенттерді ға­рыштық аппаратты жобалау және құрастыру негіздеріне үйретуге арналған. Жабдық мемлекеттік тілде бағдарламалық қамтамасыз етумен және қажетті әдістемелік материалдармен жарақталған. Еске сала кетейік, бұған дейін Илон Маск компаниясы ЖОО ғалымдары әзірлеген Al-Farabi -2 наноспутнигін іске қосқан болатын.

Әл-Фараби атындағы ҚазҰУ ғылыми-технологиялық паркінің директоры Әмірхан Темірбаев: «Конструктормен жұмыс істеу барысында білім алушылардың технология саласындағы дағдылары дамиды. Олар осы ғарыш аппаратын жобалауда тәжірибелік білім алады. Конструктордың кө­ме­гімен оқушы немесе студент өз наноспутнигін жинап, оны гелий шарының көмегімен стратосфераға жібере алады. 2017 жылы ҚазҰУ-дың Al-Farabi-1 алғашқы наноспутнигі ғарышқа ұшырылғанын атап өткім келеді. 2018 жылы Илон Маск компаниясы біздің университетте құ­рылған Al-Farabi-2 екінші нано­спутнигін іске қосты», деді.

Сондай-ақ ҚазҰУ ғалымдары физика заңдарын зерттеу үшін мобильді аппараттық-бағ­дар­ламалық кешен құрды. Жаб­дық­тың көмегімен әртүрлі зерт­ханалық жұмыс жүргізуге болады. Кешеннің басқа жабдық­тар­мен салыстырғанда бірқатар артықшылығы бар. Мобильді аппараттық-бағдарламалық кешен ықшам және мобильді: бүкіл кешен портативті шамаданға са­лынып, батареямен жұмыс істейді.

Д.Серікбаев атындағы Шы­ғыс Қазақстан техникалық уни­­верситетінің ғалымдары ме­ди­­циналық имплантант үлгі­ле­рін шығару бойынша тәжірибелік-өнеркәсіптік учас­­ке құрды. Өнімдер жергілікті шикізат – жоғары сапалы титаннан жасалды. Жоба жоғары тех­­нологиялық саланың импортын алмастыруға бағытталған. Отандық импланттар өзіндік құны бойынша айтарлықтай төмен, яғни азаматтардың әлеуметтік осал санаттарына қолжетімді.

Д.Серікбаев атындағы Шығыс Қазақстан техникалық универ­ситетіндегі орталықтың ғылыми қызметкері, PhD доктор Бағдат Азаматов: «Біз травматология және ортопедия ғылыми-зерттеу институтының ғалымдарымен бірлесе сынықтарға арналған 12-ден астам сұранысқа ие имплантатты анықтадық. Біз жасаған ин­новациялық титан кейдждері омыртқааралық дискілерді ауыс­тыру үшін қолданылады. Олар құрылымы мен қасиеті бойынша адам сүйегіне барынша ұқсас. Біз имплантаттарды 3D-принтерде басып шығарамыз, қазір тәжіри­белі үлгілер клиникалық сынақ­тар­дан өтіп жатыр. Титан им­плант­та­ры­ның адам ағзасына тез бейім­делетіні байқалады», деп атап өтті.

Dulaty University студенттері инсульт алған науқастарды оңал­ту­ға арналған инновациялық тре­­на­­жерлер ойлап тапты. Олар өздері жасап шығарған жа­ңа­­­­шылдықты «Science Slam-Қазақстан» ғылыми-та­ны­мал шоуында таныстырып, жас ға­лымдар арасындағы байқаудың жеңімпаздары атанды.

Жобаны әзірлеушілердің бірі, жас ғалым Александр Скалкин: «Біз алдымызға инсульт­пен ауы­ра­тын науқастарды оңалтуға ар­налған арзан әрі тиімді трена­жер­ді әзірлеу міндетін қой­дық. Дизайнның ыңғайлы етіп жа­салуы­на байланысты трена­жер­лерді әртүрлі бұлшықет топтарына жаттығулар жасау үшін қолдануға болады. Сіз жүктеме дәрежесін және серіппелердің кернеуін өзгерте аласыз. Сондай-ақ трена­жерлердің көмегімен инсульт алған науқастарды оңалту үрдісін айтарлықтай тездететін жеке курстар ұйымдастыруға болады. Отандық тренажерлердің тағы бір артықшылығы – олардың ыңғайлылығы. Тренажерлер металдан, ағаштан және былғарыдан жа­салған. Сондықтан олар берік­тігі жоғары және тозуға төзімді», деді.

Соңғы жаңалықтар

Қазақстанда алтын қоры өсті

Экономика • Бүгін, 09:35

Бір тәулікте 683 науқас тіркелді

Коронавирус • Бүгін, 09:19

Халықты ревакциналау тәсілі өзгерді

Коронавирус • Бүгін, 09:15

Балық па, әлде жылан ба?

Аймақтар • Бүгін, 09:07

Үздік шетелдік ойыншы атанды

Теннис • Бүгін, 09:04

Індет кезінде тыныштық та ем

Коронавирус • Бүгін, 09:02

Ташкенттегі жарыс табысты басталды

Ауыр атлетика • Бүгін, 09:01

Ұшақ билеттері қымбаттады

Қоғам • Бүгін, 08:51

Ұқсас жаңалықтар