Тарих • 27 Қазан, 2021

IX-XI ғасырлардағы Қимақ қорымдары табылды

87 рет көрсетілді

Отандық ғалымдар IX-XI ғасырлардағы қорымды тапты. Құнды қорым Павлодар облысы Байдала ауылының маңынан жүргізілген археоло­гиялық жұмыстар барысында табылған. Бұл туралы Білім және ғылым министрлігі хабарлады.

Зерттеуді жүргізген Павлодар педагогикалық университетінің археолог ғалымдары қорымдарды Қимақ қағанатының өмір сүру кезеңіне жатқызып отыр. Қимақ қағанаты – астанасы Ертіс өңірінде орналасқан көшпелі империя.

Археологиялық экспеди­цияның жетекшісі, Павлодар университетінің Margulan Centre директоры Тимур Смағұлов: «Байдала ауылы маңындағы Қимақ қорғандары үлкен ғылыми құнды­лыққа ие. Топырақтың хи­мия­лық құрамына байланыс­ты ағаш бұйым­дары, жібектен тігілген киімдер, сон­дай-ақ был­ғары мен металдан жасалған түрлі заттар сақталған», дейді.

Айтпақшы, бұған дейін қазба жұ­мыс­тары барысында «Қимақ күймесі» та­был­ған болатын. Ғалым­дардың ай­туын­ша, «Қимақ күймесі» Еуразия ау­ма­ғындағы ортағасырлық көшпе­лі­лер­дің жылжымалы тұрғын үйінің жақсы сақталған жалғыз үлгісі саналады.

Павлодар университетінің ғылыми қызметкерлері скиф-сақ дәуірінің жерлеу орындарын да зерттеп жатыр. Мысалы, қор­ған­дардың бірінен б.з.д. 1 мың­жыл­дықтың екінші жартысына жататын қыш ыдыстар мен ересек адамның сүйектері табылды.

Археологиялық жұмыстарға ға­лым­­­дармен бірге Павлодар педагоги­калық университеті мен Торайғыров университетінің студенттері де атсалысып жат­қанын айта кетейік.

Соңғы жаңалықтар

11 өңір «жасыл» аймаққа көшті

Коронавирус • Бүгін, 09:24

Тоқсанның төрінде

Аймақтар • Бүгін, 09:16

Татарстаннан олжалы оралды

Хоккей • Бүгін, 09:14

Зерттеу ауқымын кеңейту маңызды

Аймақтар • Бүгін, 09:11

Теңдесі жоқ жетістік

Қазақстан • Бүгін, 08:54

Елбасы аманаты

Пікір • Бүгін, 08:45

Мінсіз – кім?

Руханият • Кеше

Семейдегі серпіліс

Аймақтар • Кеше

Ұқсас жаңалықтар