Джонс Хопкинс университеті ұсынған деректерге сәйкес, әлемде коронавирустан қайтыс болған адамдар саны 5 миллион асты. Тіркелген өлім жағдайларының жартысына жуығы табысы орташадан жоғары немесе жоғары, ғаламшар тұрғындарының сегізден бір бөлігі тұрып жатқан елдер үлесінде (АҚШ, ЕО елдері, Бразилия). АҚШ-тың өзінде індеттен 740 мыңнан астам адам қайтыс болған.
Сарапшылар коронавирус 1950 жылдан бері болып жатқан барлық әлемдік жанжалдармен бірдей адам өмірін қиып әкетті, адам өлімінің жүрек-қантамыр аурулары мен инсульттан кейінгі үшінші басты себебіне айналды деп санайды. Бұл ретте ғалымдар 5 млн – нақты саннан әлдеқайда төмен екеніне сенімді, себебі індеттен қайтыс болғандардың барлығы бірдей коронавирусқа тест тапсырған жоқ. Сондықтан, медициналық көмексіз үйінде көз жұмғандар сол күйінде тіркелмей қалды. Пандемия басталғалы 22 айдың ішінде ауруға шалдығу ошақтары да ауысып отырған.
Қазіргі кезде вирус әсіресе, вакциналауға қарсы теріс ақпарат тарап, халқы билік көздеріне сенімсіздік танытқан Ресей, Украина және Шығыс Еуропаның басқа елдерінде тез таралуда.
