Қоғам • 05 Қараша, 2021

Алты қаланың әкіміне айыппұл салынды

203 рет көрсетілді

1 шілдеден бері әкімшілік әділет соттары әкімдіктерге 58 ақшалай айыппұл салды. Бұл туралы ҚР Жоғарғы Сотының әкімшілік істер жөніндегі сот алқасының төрағасы Қанат Мусин айтты, деп жазады Egemen.kz.

2021 жылы 1 шілдеде қабылданған Әкімшілік рәсімдік-процестік кодексте сот жүйесіне бірқатар жаңашылдық енгізілген еді.

«Әкімшілік процестегі маңызды институт – ақшалай өндіріп алу болып отыр. Бұл – бұрынғы заңнамада болмаған жаңа құрал. Әкімшілік кодекс енгізілгенге дейін соттар істі қарау барысында құқықбұзушыларға тек ескерту ғана жасай алатын. Енді судьяның қолында ақшалай өндіріп алу сияқты құрал бар. Бұл құрал процеске қатысушыларды, оның ішінде мемлекеттік органдарды да тәртіпке келтіруге ықпал етеді», деді Қанат Мусин Орталық коммуникациялар қызметіндегі баспасөз мәслихатында.

Оның айтуынша, төрт айдың ішінде судьялар 175 ақшалай айыппұл салған. Жалпы айыппұл көлемі 6 млн теңгені құраса, оның шамамен 5 млн теңгесі бюджетке түсіп үлгерді.

«Ақшалай өндіріп алу туралы сот шешіміне шағымдануға болады, бірақ алдымен бұл айыппұл төленуі керек. Сондықтан қазір жауапкерлер мен мемлекеттік органдар анағұрлым тәртіпті бола бастады. Өйткені ақшалай өндіріп алу сомасы 10 АЕК-тен басталып, 100 АЕК-ке дейін жетеді. Бұл айтарлықтай қомақты ақша», дейді Қанат Мусин.

Сонымен бірге спикер ақшалай өндіріп алу жауапкершілігі кімдерге салынғанын айтып берді.

«140 ақшалай айыппұл жауапкердің тарапына салынды. Әдетте, бұл әкімшілік органдар немесе жеке сот орындаушылары. Мысалы, мемлекеттік органдар мен жергілікті атқарушы органдардың қызметкерлеріне жалпы 97 ақшалай жаза қолданылды. Оның ішінде министрліктердің бірінің комитет төрағасы, Ішкі мемлекеттік аудит департаментінің, Мемлекеттік кірістер департаментінің, полиция департаментінің басшысы сияқты шенеуніктер бар. Яғни, мұнда қарапайым қызметкер жоқ. Әкімдік қызметкерлеріне 58 ақшалай айыппұл салынды, оның ішінде 6 қала әкімі, бес аудан әкімі және үш аппарат басшысы бар», деді Қанат Мусин.

Соңғы жаңалықтар

Әуезов және түркі әлемі

Руханият • Кеше

Идеология

Руханият • Кеше

Мейірім мен қатыгездік

Руханият • Кеше

Ескі мен жаңа арасы

Руханият • Кеше

Би падишасы

Руханият • Кеше

Сапа қайтсе жақсарады?

Қазақстан • Кеше

Қайырымдылықтың үлгісі

Қазақстан • Кеше

Сақ дәуірінің тасы

Таным • Кеше

Ұқсас жаңалықтар