Аймақтар • 13 Қараша, 2021

Бір түнде 22 мас жүргізуші ұсталды

507 рет
көрсетілді
1 мин
оқу үшін

Елорданың полиция департаменті қала жолдарында жол қауіпсіздігін қамтамасыз етуге бағытталған шараларды тұрақты негізде өткізуде. Бір түннің ішінде қаланың полиция қызметкерлері рульге мас күйінде отырған 22 жүргізушіні ұстады, деп жазады Egemen.kz Нұр-Сұлтан қаласы Полиция департаментінің баспасөз қызметіне сілтеме жасап.

Бір түнде 22 мас жүргізуші ұсталды

Ресейлік тіркеу нөмірлері бар «Тойота» көлігінің 46 жастағы жүргізушісі түнде Кенесары көшесімен келе жатып, жолдағы қашықтықты сақтамай, алдында тұрған көлікпен соқтығысты.

Патрульдік полиция полкінің қызметкерлері құжаттарын тексеру кезінде жүргізушінің алкогольдік мас күйінде екенін анықтады.

Сондай-ақ, көлік патрулі жол ережесін бұзған «Ниссан» маркалы көлік жүргізушісін тоқтатты. Республика даңғылымен келе жатқан ол жаяу жүргіншіні өткізбеген. Патрульдік полиция қызметкерлері көлікті тоқтатты. Тексеру барысында 32 жастағы жүргізушінің көлік құралдарын жүргізу құқығынан айырылғанын анықтады.

Медициналық куәландыру қорытындысы бойынша, жүргізушілердің екеуі де орташа дәрежеде мас күйінде болғаны анықталған. Көліктер коммуналдық автотұраққа кіргізілді. Жиналған материалдар процессуалдық шешім қабылдау үшін сотқа жіберілді.

ҚР Әкімшілік құқықбұзушылықтар туралы кодекстің 608-бабынығң 1-бөліміне сәйкес, жүргізушілер 15 тәулікке қамауға алынып, 7 жылға жүргізуші куәлігінен айырылады. Жол қауіпсіздігін күшейту мақсатында, 8-17 қараша күндері қала аумағында «Қауіпсіз жол» республикалық жедел алдын алу шарасы жүргізілуде.