Әлем • 15 Қараша, 2021

Ұйым атауы өзгерді

51 рет көрсетілді

Орталық  Азия жаңалық жар­шысы The Times of Central Asia агенттігі 12 қарашада Түр­кияның Ыстанбұл қала­сында Түркия Президенті Режеп Тайып Ер­доғанның ұйымдастыруымен Түркі­тіл­дес мемлекеттердің ынтымақтастық кеңе­сінің (Түркі кеңесі) VIII саммиті өтке­нін хабарлайды.

Саммитте сөз сөйлеген Президент Р.Ердоған: «Біз өзінің институционалдық құрылымын дамытып, өз аймағында және одан тыс жерлерде түркі мем­ле­кеттерінің беделін арттырған Кеңесі­міз­дің атауын өзгертеміз. Әлбетте, бұл тарихи өзгеріс риторикамен шек­тел­меуі керек, оны да жүзеге асыру керек. Хатшылықтың құрылымы мен жұ­мыс тәртібі, сондай-ақ біздің саяси, экономикалық және әлеуметтік ынтымақтастығымыз отбасылық Ассам­блея­ның институционалдық сапасын көрсетуге тиіс», деді.

Саяси және әлеуметтік ынты­мақ­тас­тық жағ­дайында мүше елдер эко­но­ми­ка мен сауда са­ласындағы ынты­мақ­тастықты әртараптандырып, нығай­ту­ы керек екенін баса айтқан Президент Ердоған: «Біз сауда мен өзара инвестицияны тез арада арттыруымыз керек. Біз елдеріміз арасындағы саудадағы барлық тарифтік емес тосқауылды алып тастауымыз керек. Бұл тұрғыда мен сауданы жылжыту стратегиясы туралы құжатқа қол қоюға ерекше мән беремін. Алайда егер біз бір-бірімізбен құрлық, әуе және теңіз жолдарымен байланыспасақ, біз қа­жетті нәтижелерге қол жеткізе алмаймыз», деді.

Саммит қорытындысы бойынша «Түркі әлемінің келешегі-2040» және Тү­рікменстанның ұйымға бақылаушы мем­лекет ретінде кіруі туралы шешім ма­құлданды.

Соңғы жаңалықтар

«Аяулы жас келін» атанды

Қоғам • Бүгін, 09:00

Фермерлер дүкені ашылды

Қоғам • Бүгін, 08:58

Көш басында өзгеріс жоқ

Спорт • Бүгін, 08:55

Ширек финалға шықты

Теннис • Бүгін, 08:54

Жалпы есепте топ жарды

Спорт • Бүгін, 08:53

Уәдең қайда, шенеунік?

Қоғам • Бүгін, 08:52

Алуа алтын үшін айқасады

Спорт • Бүгін, 08:50

Өнері өрге жүзді

Аймақтар • Бүгін, 08:45

Ұқсас жаңалықтар