«Жәнібек соңғы жекпе-жегінде тамаша жеңіске қол жеткізді. Ол өзінің шын шебер екенін көрсетті. Менің ойымша ол WBO тұжырымы бойынша орта салмақтағы әлем чемпионы Деметриус Андрадемен жұдырықтасуға толық дайын. Бұл керемет кездесу болар еді. Екеуінің жеңіске жету мүмкіндігі тең», дейді америкалық сарапшы ойымен бөлісіп.
Иә, мұхиттың арғы бетіндегі көптеген сарапшылар Жәнібектің француз өрені Хассан Ндам Нжикамды оңай жеңгені жайлы жарыса жазып жатыр. Олар қазақ боксшысы болашақта орта салмақтағы әйгілі отандасымыз Геннадий Головкинді жоқтатпайды дегенді де алға тартты.
