Аймақтар • 30 Қараша, 2021

Тұрғындардың шағымына жауап бермеген басшылар ескерту алды

293 рет
көрсетілді
2 мин
оқу үшін

Шымкент қаласының әкімі Мұрат Әйтенов тұрғындар өтінішіне дер кезінде жауап бермеген сала басшыларына қатаң ескерту жасап, бірқатар тапсырмалар жүктеді, деп хабарлайды Egemen.kz қала әкімдігінің баспасөз қызметіне сілтеме жасап.

Тұрғындардың шағымына жауап бермеген басшылар ескерту алды
Мемлекет басшысының «Халық үніне құлақ асатын мемлекет» тұжырымдамасы негізінде қала әкімі Мұрат Әйтеновтің қолдауымен өткен жылы Шымкент қаласының ситуациялық «iKomek» орталығы құрылған болатын.
 
@ikomek109.shymkent орталығы басқармалар, аудан әкімдіктері мен коммуналдық кәсіпорындардың байланыс орталықтарын біріктіретін және 24/7 тәртібінде жұмыс жасайтын жалғыз орталық. Ол жергілікті тұрғындардың өтініштерін қабылдау, орын алған жайттарды, апаттарды, коммуналдық және жедел қызметтер жұмысын үйлестіруге бағытталған. Мұнда барлық өтініштер өңделіп, тіркеліп, арнайы тізімге енгізіледі.
 
«iKomek» орталығына бір жарым жыл ішінде 230 904 арыз-шағым келіп түскен. 228 582 өтініш орындалған, 1580 өтініш қаралуда. Олардың арасында түрлі себептермен, мерзімі өткендер де кездеседі.
 
Жиналыста шаһар басшысы тұрғындардың «109» орталыққа хабарласқаны әкімдікке деген сенімдерінің белгісі, сенімді ақтау үшін тыңғылықты жұмыс жасау қажеттігін баса айтты.
 
«Орталық халықпен кері байланыс орнатудың тиімді құралы ретінде арнайы ашылды. Қаламызда түрлі мәселенің бары анық. Азаматтар соны бізге жеткізу үшін 109-ға хабарласады. Келіп түскен әрбір арыз-шағым тікелей менің бақылауымда. Мерзімі кешіктірілген мәселеге жауапты маман қатаң жауапкершілікке тартылатынын ескертемін. Келіп түскен шағымдар арқылы салалардың осал тұстарын көруге болады, сол арқылы ай сайын басқарма және әкімдіктердің рейтингісі жүреді. Сондықтан жұмысымызды жауапкершілікпен атқарайық. Мәселеге менің құзырыма кірмейді деп емес, бірлесе шешейік деп қарау қажет», деді әкім.
Соңғы жаңалықтар

Су үнемдейтін қондырғы

Технология • Кеше