Ұйым екі боксшының командасына келісімге келуіне 20 күн уақыт берген болатын. Алайда Деметриус Андраденің командасы келісімшарт жасасуға ишара танытқан жоқ. Енді промоутерлік сатылым 15 қаңтар күні өткізілмек. Деректерге сенсек, минималды ставка – 200 мың АҚШ доллары.
Естеріңізге сала кетейік, әлем чемпионы мен оның міндетті қарсыласы шаршы алаңда кездескен жағдайда табыстың 75 пайызы чемпионға тиесілі болса, қалған 25 пайызын үміткер алады.
Айтпақшы, Жәнібек Әлімханұлымен жекпе-жек өткізгісі келмейтін Деметриус Андраде райынан қайтпаса, 15 қаңтарға дейін өзіне тиесілі белдікті босатып кетуі де мүмкін. Олай болған жағдайда қазақ оғланы бос тұрған белбеуді басқа үміткермен шайқаста сарапқа салатын болады.
