Арада жарты жыл өткеннен кейін бұл туралы блогер Логан Полдың өзі мәлімдеме жасап, даңқты боксшыдан өзіне тиесілі қаржыны талап етті.
«Маған тиесілі қаражатты жедел қайтар, Флойд!» деп жазды ол өзінің инстаграмдағы парақшасында. Жалпы сегіз раундқа жоспарланған шайқаста жеңімпаз анықталмаған еді. Өйткені келісім бойынша екеуінің бірі нокаутпен жеңіске жетуге тиіс болған.
Деректерге сенсек, Логан Пол аталмыш жекпе-жектен 20 миллион доллар көлемінде табыс тапқан екен. Алайда Мейвезер әлі күнге дейін оның есеп шотына қаражат аудармаған.
