Президент • 29 Желтоқсан, 2021

Мемлекет басшысы өлім жазасын жою туралы Заңға қол қойды

117 рет көрсетілді

Мемлекет басшысы Қасым-Жомарт Тоқаев «Қазақстан Республикасының кейбір заңнамалық актілеріне өлім жазасын жою мәселесі бойынша өзгерістер мен толықтыру енгізу туралы» Қазақстан Республикасының Заңына қол қойды, деп хабарлайды Egemen.kz Ақорданың ресми сайтына сілтеме жасап.

Заңға сәйкес, қылмыстық кодекстің жалпы бөліміндегі 11 баптың ішінен өлім жазасы жазаның түрі ретінде, оның ішінде жазалау, тағайындау және жазаны ауыстыру жүйесі туралы баптардан алып тасталады. Бұдан басқа, өлім жазасы ұғымы, мораторий кезіндегі талаптар мен оларды қолдану туралы арнайы бап жойылады.

Өлім жазасы Қылмыстық кодекстің 17 бабының санкциясынан алынып тасталады. Өмір бойы бас бостандығынан айыру ең қатаң жаза болып қала береді. Қылмыстық кодексті толықтыру арқылы өлім жазасы өмір бойына бас бостандығынан айырумен ауыстырылған адамдарды шартты түрде мерзімінен бұрын босатуға тыйым салынады.

Еске сала кетсек, 23 желтоқсанда депутаттар ҚР Парламенті Сенатының пленарлық отырысында «ҚР кейбір заңнамалық актілеріне өлім жазасын жою мәселесі бойынша өзгерістер мен толықтырулар енгізу туралы» Заңды қабылдады.

Соңғы жаңалықтар

«Аяулы жас келін» атанды

Қоғам • Бүгін, 09:00

Фермерлер дүкені ашылды

Қоғам • Бүгін, 08:58

Көш басында өзгеріс жоқ

Спорт • Бүгін, 08:55

Ширек финалға шықты

Теннис • Бүгін, 08:54

Жалпы есепте топ жарды

Спорт • Бүгін, 08:53

Уәдең қайда, шенеунік?

Қоғам • Бүгін, 08:52

Ұқсас жаңалықтар