Білім • 19 Қаңтар, 2022

3-сынып оқушысы 3D модель жасайды

642 рет
көрсетілді
2 мин
оқу үшін

Үшінші сыныптың оқу­шылары 3D модель жасап отырғанын көріп, таң­ғалдық. Компью­тер­мен мұндай анимацияны оқыған, тоқыған мамандар жасар еді. Елімізде кенже қалған бұл сала осы қарқынмен дамитын болса, әлі-ақ шетелдік аниматорлармен үзеңгі қағыстырамыз деп түй­дім іштей.

3-сынып оқушысы 3D модель жасайды

Өскемендегі «Зерек» ор­та­лығында сан түрлі үйір­мелер бар. Солардың іші­нен көзге ерекше түскені осы, 3D модельдеу. Бұрын-соң­ды қолға алынбаған тың жоба­ның жетекшісі – Жаннұр Ба­қыт­қызы. Ерекшелігі сол, экран­да жасаған детальді 3D принтермен кәдімгі мүсін етіп шығаруға болады. Тіпті көліктің дүкендерден табыла бермейтін пластмасс тетігін де дәлдеп тұрып жасап алған екен.

– О баста киім­нің 3D моделін жасай бастағанмын. Кейін «Зерек» орта­лы­ғына жұмысқа орналасып, «шебер қол» үйір­месін өткізіп жүрдім. Көп уақыт өтпей 3D модельдеу үйірмесі ашылатын болып, мен арнайы курстан өттім. Арнайы кабинет ашылып, заманауи құрал-жабдықтар орнатылды. Қазір оқушылар қызыға қатысып жүр. Егер ниет болса, анимация жасауды үйрену қиын емес. Қазір балалармен жеке-жеке жобалар жасап жатырмыз. Алдағы уа­қыттарда мульт­фильм кейіп­керлерін жасауды қолға аламыз , – дейді 3D модель жасаудың маманы Жаннұр Бақытқызы.

Қазіргі уақытта аталған үйір­­­­меде қазақтың салт-дәс­түр­­­леріне негізделген ойын құрас­тырып жа­тыр. Ал екін­ші жоба, ғимараттың ішкі көрі­нісін 3D фор­мат­та жасау­ды бастаған. Яғни «Зерек» орталығын онлайн түрде аралап шығуға болады. Жаннұр Бақытқызының айтуынша, оқушылар әбден дағдыланған соң қала ішін де жасауға болады. Иә, қазіргі балалардың қабылдауы тез, ойлары ұшқыр. Балалардың гаджет, планшетке әуестігінің бір пайдасы осы, техника жағына икемін арттырады.

– Мен компьютермен әр­түрлі аңдарды жасауды үйреніп жүрмін. Оларды жүгіртемін, секіртемін. Маған ұнайды. Өс­кенде мультфильм жасаймын, – дейді Бекзат Тілеухан есімді оқушы.

Қандай қуаныш десеңізші. Елдің ертеңі осылар емес пе?! Осыларға қарап, техникалық мамандары дамыған елге айналарымыз анық екенін ұқтым.

 

ӨСКЕМЕН

Соңғы жаңалықтар

Су үнемдейтін қондырғы

Технология • Кеше