Ол жасаған рейтингке орта салмақ дәрежесінде топқа түсіп жүрген қазақстандық кәсіпқой боксшы Жәнібек Әлімханұлы да енген. Сарапшы атаған үздік он тоғыз боксшының ішінде Жәнібек Әлімханұлы алтыншы орында тұр.
Естеріңізге сала кетейік, Жәнібек Әлімханұлы әуесқой бокста жүрген кезінде Азия және әлем чемпионы атанған болатын. Ол соңғы екі жекпе-жегінде әлемнің бұрынғы чемпиондары Роб Брант пен Хассан Ндам Нжикамды мерзімінен бұрын жеңіп, WBO тұжырымы бойынша әлем чемпионы Деметриус Андраденің міндетті қарсыласы атануға мүмкіндік алған.
