Теннис • 27 Қаңтар, 2022

Australian Open: Анна Данилина жұптық сында финалға шықты

31 рет көрсетілді

Қазақстанның жұптық сындағы бірінші ракеткасы Анна Данилина Аустралия ашық чемпионатының финалына шықты, деп хабарлайды Egemen.kz.

А.Данилина бразилиялық Беатрис Хаддад Майямен бірге жартылай финалда жарыстың 2-ракеткалары, жапониялықтар Сюко Аояма – Ена Шибахарамен шеберлік байқасты.

Жуырда Сидней WTA турнирінде Анна мен Беатрис қарсыластарын тізе бүктірген болатын. Бұл жолы бірінші партияда қазақстандық-бразилиялық жұп басым түсті – 6:4. Екіншісінде жапониялықтар есе қайырды – 7:5. Үшінші, шешуші сетте Анна мен Беатрис қайтадан таразы басын өздеріне аударды – 6:4.

Қазақстандық-бразилиялық жұп 2 сағат 20 минутқа созылған тартысты бәсекеде 2 эйс жасап, 9 брейк-пойнттың төртеуін пайдаланды. Қарсыластары 1 эйс, 3 брейкпен (11 брейк-пойнт) шектелді.

Осылайша Анна Данилина өз спорттық жолында алғаш рет «Үлкен дулыға» турнирінің финалына шықты. Анна мен Беатрис финалда доданың 1-ракеткалары, чехиялықтар Барбора Крейчикова – Катерина Синякова немесе ресейлік Вероника Кудерметова – бельгиялық Элиза Мертенс жұптарының қай жеңгенімен бас жүлдені сарапқа салады.

Соңғы жаңалықтар

Күрек пен жүректің орны...

Қоғам • Бүгін, 22:32

Бюрократизм

Қоғам • Бүгін, 22:26

Бірінші байлық

Руханият • Бүгін, 22:16

Елді жаңарту мен жаңғырту кепілі

Референдум-2022 • Бүгін, 22:11

Кеншілер қаласындағы кездесу

Аймақтар • Бүгін, 22:10

Өзгерістердің мән-жайы түсіндірілді

Референдум-2022 • Бүгін, 22:07

Агробанк керек пе?

Экономика • Бүгін, 21:59

Ұқсас жаңалықтар