Партия өкілін халық сайлауы керек

Президенттің негізгі ой­лары­­­мен келісуге болады. Неге де­сеңіз, көпшілік Қазақ­­стан­да демо­кратиялық про­цес­тердің қар­қын алып, сая­си тұлға­лар­дың халыққа жақын болуын ті­лей­тіні мәлім. Парла­мент­те көп­пар­тиялық жүйенің қалып­тас­қанын дұрыс деп есептеймін. Мысалға айтсақ, қазір онда «Ауыл» партиясы ұсынылмаған. Бұл ұйымға Пар­ламенттен орын берілуін ауыл халқы, оның ішінде ауыл ша­руашылығымен айналыса­тын азаматтар асыға күтіп отыр. Сол себепті жоғарғы па­ла­таға аталған партияның мүше­лері де кіру керек деп ойлаймын.

Екіншіден, Президенттің пар­тияның құрамында болма­ғаны да дұрыс шығар. Мұндай мысалдар көптеген өркениетті елде бар және қолданыста. Егер де шын мәнінде демократия­лық мемлекет құрғымыз келсе, мұ­ны да іске асыруымыз керек деп санаймын.

Үшіншіден, партияның деңгейін көтеру үшін оның өз ішінде іріктеу үдерісі жүруге тиіс. Айталық, бірінші хатшыны, облыстық жерлердегі атқарушы хатшыларды, бірін­ші орынбасарларды әкім таға­йы­н­дамай партияның мүшелері таңдауы қажет. Себебі ат­қа­рыл­ған жұ­мыс пен алға қо­йылған мін­дет­тердің есебі бо­ла­ды. Осы ар­қы­лы олардың сайланып та­ға­йын­далғанын халық та біледі.

Аудан, қала, облыс әкім­дерін де халық сайлау керек деген әңгіменің айтылып жүр­геніне де біраз болды. Бұған түбі келеміз деп сене­мін. Ал мұны іске асыру үшін осын­дай бастаманы партия бірін­ші болып жария­лап, көте­руге тиіс. Демек осындай маңыз­ды мәселелерде партия жауап­кер­шілікті өздеріне алып, бас­тамашыл болуы қажет. Яғни саяси институт халыққа жақын болуды көздесе, бастамаларды көтере білуі керек.

Өңірлік мәслихаттардың қыз­метіне келсек, қабылдау жұ­мыс­тарын көбейтіп, кез кел­ген мәселеге байланысты шешім­ді шұғыл әрі тиімді қабыл­дау­дың тетіктерін енгіз­ген дұрыс. Шын­дығын айтқанд­а, облыс­тық мәсли­хат депутат­тарының құзыреті шек­теулі. Мәселен, өңірлерде қан­дай да бір шешім шығарылса, соның әрі кетсе 5-10%-на ғана депу­тат­тар өз ұсыныстарын айтып, жеткізуге мүмкіндік бар. Сол се­беп­­ті өңір­дегі депутат­тар­дың құ­зы­­ре­тін кеңейткен артық болмас.

Қуаныш СҮЛЕЙМЕНОВ,

Qazaq Aqbas республикалық палатасының төрағасы,

Шығыс Қазақстан облысының мәслихат депутаты