«Мен Конормен кәсіпқой бокс ережесі бойынша Ирландияда жұдырықтасатын боламын. Басты мақсатым Конорды жеңу болғандықтан да бокспен шұғылдануды қолға алдым. Өз басым Конор Макгрегорды жеңетініме бек сенімдімін», деді блогер BJPenn-ге берген сұхбатында.
Өткен жылдың желтоқсан айында UFC-дің бұрынғы чемпионы Тайрон Вудлимен екінші рет шаршы алаңда кездескен ол қарсыласын алтыншы раундта нокаутпен жеңген болатын. Жалпы блогер бүгінгі күнге дейін бес рет шаршы алаңға көтеріліп, барлық жекпе-жегінде қарсыластарынан айласын асырды.
