Сирияда жанкештілер дайындайтын лагерь құрылды

Сирияның солтүстігінде бүлдіршіндерді жанкештілікке дайындайтын жаттығу лагері құрылды. Бұл туралы ИТАР-ТАСС агенттігі хабарлады. «Ашбаль аль-Аазз» лагерінде 7-ден 13 жасқа дейінгі 50-ге жуық бала дайындықтан өтуде. Жаттығу лагері Ар-Рака қалашығының шығысындағы Ат-Табка деп аталатын жерде орналасқан. Лагердегі жаттықтырушылар балалардың кез-келген бұйрықты бұлжытпай орындайтындарын айтады. Көбінесе Сирияның кедей отбасынан шыққан балаларын түрлі тапсырманы орындатуға  оңай көндіруге болады екен. «Ашбаль аль-Аазз» лагерінде балаларды жанкештілікке дайындауға 25 күндей уақыт жұмсалады екен. Курсанттар 13 адамнан топқа бөлініп, олардың ішінен әр топқа басшы тағайындалады. Жанкештілер мектебінде заманауи қаруларды біліктілікпен қолдануды үйретуге басымдық беріледі. Ал даярлық курсынан өткен бала «Ирак пен Левант ислам мемлекеті» экстремистік тобының мүшесі болады. Айдар Өрісбаев. Дереккөз: Itar-tass.com. Фото: Newsstreet.ru.