![ШҚО-да тағы да қар көшті](/media/2022/04/04/crop-20_-18_563x751_qar.jpeg)
4 сәуірде сағат 13.31-де Катонқарағай ауданындағы жергілікті маңызы бар «Согорное-Барлық» тасжолында көшкін жүрді.
«Аталған тасжолдың 16-шақырымында жалпы көлемі 2300 текше метр қар түскен. Қар жолды толықтай жауып тастады. Зардап шеккен ешкім жоқ», - деп хабарлады ведомство өкілдері.
Қазіргі уақытта жергілікті атқарушы орган қызметкерлері жолды тазалау жұмыстарын жүргізіп жатыр.
Естеріңізге сала кетсек, осыған дейін «Өскемен-Рахман қайнары» тасжолының 435 және 437 шақырымдарында көшкін жүргені хабарланған болатын.