Екі айда 3,5 мыңдай қазақстандық елден көшіп кеткен

«Елдің негізгі көші-қон алмасуы ТМД мемлекеттерімен жүріп жатыр. ТМД елдерінен келгендердің үлесі 87,3%-ды, көшіп кеткендердің үлесі - жалпы көшіп-қонушылар санының 79,2%-ын құрады», делінген Ұлттық статистика бюросының ақпаратында.

Сонымен қатар ел ішінде көшіп-қонушылар саны 12,6%-ға азайды.

Өңіраралық ауысулар бойынша халықтың көші-қонының оң сальдосы елдің төрт өңірінде қалыптасты: Нұр-Сұлтан (5447 адам), Алматы (5734 адам), Шымкент (776 адам) және Маңғыстау облысы (7 адам).