фото: Zakon.kz
28 наурызда Қарағанды облысының Сәтбаев қаласының полиция бөліміне 24 жастағы қала тұрғынынан өтініш келіп түсті. Ол жүргізуші куәлігін еш қиындықсыз алу мүмкіндігін іздегенін түсіндірді.
Айдың басында өтініш беруші әлеуметтік желілерде керекті хабарламаны табады, оның авторы бірнеше уақыт ішінде қажетті құжатты рәсімдеуді ұсынған.
Бұл ретте ол құжаттың заңды түрде болатынын айтқан. Бірақ өз қызметі үшін 120 мың теңге талап еткен.
Делдал өтініш берушінің сенімін тудырғандықтан, мобильді қосымша арқылы оған қажетті соманы аударған.
Ақшаны алғаннан кейін жарнаманың авторы байланысқа шығуды тоқтатып, көзден ғайып болған.
Оның алдап кеткенін түсінген жәбірленуші полицияға жүгінді. ҚР ҚК 190-бабы (Алаяқтық) бойынша қылмыстық іс қозғалды.
17 сәуірде жедел-іздестіру іс-шаралары барысында криминалдық полиция қызметкерлері ауылдық аудандардың бірінің 19 жастағы тұрғынын анықтап, ұстады. Ол кінәсін толық мойындады.
Тергеу амалдары жүргізілуде.
