Аймақтар • 14 Мамыр, 2022

Жамбылда жол апатына ұшыраған шетелдіктер еліне аттанды

18 рет көрсетілді

Өзбекстан төтенше жағдайлар министрінің орынбасары Азизбек Латифжонов бастаған жедел топ колоннамен жолға шықты. Олар Жамбыл облысы Жуалы ауданынан 8 жедел медициналық жәрдем көлігі және 1 «Ванхолл» маркалы жолаушылар автобусымен аттанды, деп хабарлайды Egemen.kz ҚР ТЖМ баспасөз қызметіне сілтеме жасап.

Министрліктің хабарлауынша, автокөліктерде зардап шеккен 13, уақытша орналастыру пунктіндегі 7 адам мен 2 қаза тапқан адамның денесі бар.

Өзбекстан ТЖМ орынбасары Жамбыл облысындағы әріптестеріне және өз отандастарын құтқаруға жұмылдырылған барлық қызметкерлерге алғысын білдірді.

14 мамыр сағат 7:15-те колонна Қазақстан Республикасының шекарасынан өтті. 1980 және 1965 жылдары туған Өзбекстанның екі азаматы Жуалы ауданы ауруханасының жансақтау бөлімінде жатыр.

Естеріңізге салайық, 12 мамыр күні сағат 15:46-да Жамбыл облысының Жуалы ауданында «Алматы-Ташкент» автожолының 571 шақырымында жол-көлік оқиғасы болған еді.

Соңғы жаңалықтар

Алматыда үш көше ұзартылады

Аймақтар • Бүгін, 17:57

Доллар арзандады

Қаржы • Бүгін, 17:01

Ұқсас жаңалықтар