![Блогерлер бәсекесі](/media/2022/05/20/19-05-blog-19.jpg)
Жеңімпаздың бес минуттан тұратын ролигінде қолға алған тақырып кеңінен қамтылған. Мысалы, өзінің еңбегінде ол бір күндік кестені көрсетіп қана қоймай, білім жолындағы ізденісінің де жай-жапсарын жан-жақты аша алған.
Назерке Абжамал Ұлытаудағы №1 тірек мектебінің 9-сыныбында оқиды.
– Бесінші сыныптан бастап бейнетүсірілім мен әлеуметтік желілердегі өз роликтерімді жарнамалаумен айналысып келемін. Бір жылдан бері мектептің Instagram-парақшасын жүргіземін, – дейді Назерке.
Байқауды ұйымдастырушылардың бірі Ulytau Media School жас журналистер мен блогерлер жетекшісі Думан Әден сайыста 56 үміткердің бақ сынағанын айтады.
– Байқау «Балалар жылы» аясында ұйымдастырылып, 56 қатысушының арасынан 33 оқушының блогтары таңдап алынды. Олардың жұмыстарын құрамына білікті мамандар енген қазылар алқасы бағалады. Бірінші орынды №1 тірек мектебінің оқушысы Назерке Әбжамал алса, екінші жүлдені №11 ЖББОМ 8-сынып оқушысы Гүлзат Шүкірова және үшінші орынды №1 тірек мектебінің 10-сынып оқушысы Маржан Шабаз иеленді, – деді ол.
Жеңімпаздар мен жүлдегерлер дипломдармен және бағалы сыйлықтармен марапатталды. Сондай-ақ байқаудың жеңімпазы «Ұлт ұясы – Ұлытау» туристік өлкетану экспеди-
циясына жолдама алса, екінші және үшінші жүлде иегерлері «Дала LIFE» этнолагерінде демалатын болды.
ҚАРАҒАНДЫ