«Биылғы 5 айда 5,3 трлн теңгеден астам сомаға 328,5 мың мемлекеттік сатып алу рәсімі камералдық бақылаумен қамтылды. Тексеру қорытындылары бойынша 26 145 рәсімнің бұзылғаны анықталды, оның ішінде мемлекеттік аудит объектілері бұзуларды жою туралы хабарламалардың 93%-ын орындады», деді Қаржы министрі Үкіметтің бүгінгі отырысында.
Спикердің айтуынша, 957 аудиторлық іс-шара өткізілді. Шамамен 1,9 трлн теңге бюджет қаражаты аудитпен қамтылды.
«Осылайша 80 млрд теңгеге қаржылық бұзушылықтар анықталды. Тауарларды жеткізу, қызметтерді көрсету және жұмыстарды орындау, бюджетке өтеу және есепке алу жолымен 71 млрд теңгенің бұзушылықтары жойылды. Аудит объектілері қызметін жетілдіру және тиімділігін арттыру үшін 817 ұсыным берілді», деді Ерұлан Жамаубаев.
Аяна Тоғанбек
