![Теміртауда балаларға арналған тегін лагерь ашылды](/media/2022/06/15/crop-8_8_432x783_y.jpeg)
Лагерьге 7 жастан 13 жасқа дейінгі балалар жазыла алады. Сондай-ақ бұл лагерьде төрт тақырыптық маусым ұйымдастырылды. Олар шығармашылық, медиа, еріктілік және экология деп бөлінді. Бір маусымға 20-дан астам бала қабылданады. Ұзақтығы - 10 күн.
Қазір шығармашылық маусым басталды. Ол 24 маусымға дейін жалғасады. Еріктілер маусымы 27 маусым мен 8 шілде аралығында өтеді. 11-22 шілде аралығында жас теміртаулықтарды БАҚ пен медиа бағыты күтіп тұр. Соңғы, экологиялық маусым 25 шілдеде басталады. Лагерь жұмысын 6 тамызда аяқтайды.
«Балаларды педагогтер және тәлімгерлер қадағалайды. Сонымен қатар бізде «Шаңырақ» волонтерлік орталығымен ынтымақтастық бар, сондықтан бізге тағы екі волонтер көмектеседі», деді Мәдениет және демалыс бөлімінің мәдени ұйымдастырушысы Виолетта Куклина.
Аяна Тоғанбек