Оған «Кедей» («Ақтөбе») газетінің 1928 жылғы және «Степная правда» («Актюбинский вестник») газетінің 1921-1923 жылдардағы сандары, Шалқар аудандық тарихи-өлкетану музейінің қорында сақталған «Социалистік туы» («Шалқар») газетінің 1934 жылы латын қарпімен шығарылған нөмірі қойылды. Құнды дүниелердің қатарына 1941 жылы шыққан «Социалистік жол» («Ақтөбе»), «Актюбинская правда» («Актюбинский вестник») басылымдарының сарғайған парақтарын да қосуға болады.
Сондай-ақ көрме залында облыстық тарихи-өлкетану музейінің қорына әр жылдары тапсырылған ескі фотоаппараттар да қойылды. Осы залдан ескі фотоаппараттармен түсірілген өңір тарихынан сыр шертетін ақ-қара түсті фотоларды да көруге болады. Соңғы жылдары облыстық мұрағатта өңір тарихының шежіресіне айналған облыстық басылымдарды электрондық форматқа көшіру жұмыстары қолға алынды.
Ақтөбе облысы
