![Ауылдың қызы – әлем чемпионы](/media/2022/07/07/72a180e3-1e58-4393-b0cc-345f298dc541.jpg)
Аядай ауылдан чемпиондар жиі шыға бермейді. Содан болар, аудан әкімі бастаған барша тереңкөлдіктер көк туды желбіретіп, Маринаны тік тұрып қарсы алды. Жас әлем чемпионына лайықты құрмет көрсетіліп, аудан әкімдігі атынан 100 мың теңге сыйақы табысталды. Бапкері Азамат Абдраховқа 50 мың теңге берілді. Жаттықтырушы өз сөзінде: «Кішкентай ауылдан үлкен спортшылар шығатынын дәлелдедік. Ауданымызда спортты дамыту жұмыстары жүйелі жалғаса берсе, әлі талай чемпиондар шығады», деді. Өз кезегінде жаңабеттіктер ауыл жастары бос уақытында зиянды әрекеттерге бармай, спорт залынан табылатынын, бұл ретте жаттықтырушылардың еңбегі зор екенін атап өтті.
Қырғызстан астанасында өткен Әлем біріншілігіне Қазақстан, Ресей, Беларусь, Өзбекстан, Қырғызстан, Үндістан, Пәкістан және Моңғолия мемлекеттерінен 200-ден астам спортшы қатысқан. Марина Фейстова 58 келі салмақта жұлқи көтеру жаттығуында топ жарса, ұзақмерзімді (циклды) көтеру бағдарламасында қолаға қол жеткізді. Марина зор құрмет үшін жерлестеріне алғысын білдіріп, болашағын үлкен спортпен байланыстырғысы келетінін айтты. Тек алға, Марина!
Павлодар облысы,
Тереңкөл ауданы