Нидерландыдағы турнирде бірінші нөмірмен алаңға шыққан қазақстандық-голландиялық жұп фавориттердің үмітін ақтап, финалға сенімді түрде жетті. Шешуші жекпе-жекте оларға Үндістандық Анкита Райна мен Нидерланды өкілі Розали Ван Дер Хук қарсы тұрды.
Финалдық матч үш сетте Анна мен Арианнаның пайдасына аяқталды - 6:7 (4:7), 6:4, 10:6. Бұл Данилинаның 27-ші титулы.
Еске сала кетсек, 2022 жылдың қаңтарында Анна Данилина Бразилиялық Беатрис Хаддад Майямен бірге Сидней корттарында WTA250 сериялы турнирді жеңіп алған.
