Білім • 20 Шілде, 2022

Екі мектеп пайдалануға беріледі

192 рет
көрсетілді
1 мин
оқу үшін

Биылғы оқу жылында Семейдің білім беру қоры екі жаңа мектеппен толығады. Мәселен, Шығыс кентінде 1 200 оқушыға арналған мектеп ашылса, Степной кентінде 300 орындық мектеп балалардың игілігіне беріледі.

Екі мектеп пайдалануға беріледі

Бұл жөнінде облыс әкімі Нұрлан Ұранхаев білім беру нысандарының құры­лы­сымен танысу кезінде айтты. Өңір басшысы Семейдегі мектептер мен көп пәтерлі үйлердің құрылысын бақылап қайтты.

Айталық, Степной елді мекенінде аялдап, 300 оқушыға шақталған мектептің құрылыс жұмыстарына қанықты.

«Қазір мұнда әрлеу жұмыстары жүр­гі­зіліп жатыр. Қыркүйекке дейін барлық жұ­мыс аяқталады. Жылумен жабдықтау желі­леріне байланысты мәселелер бар», деді мердігер компания өкілдері.

Облыс әкімі Шығыс кентіндегі 1 200-дей баланы қабылдауға қауқарлы мек­теп­тің де құрылысын бақылап, ондағы жұ­мыс­тар­дың қарқынын бағалады.

Мектепте үлкен спорт залы қарас­ты­рылатынын көріп, өскелең ұрпақтың ара­сын­да бұқаралық спортты дамытудың маңыз­дылығын айтты.

Н.Ұранхаев Қарағайлы шағын ауда­нын­дағы тоғыз қабатты тұрғын үйдің құры­лысының барысын бағамдады. Жылу желі­ле­ріне байланысты кейбір проблемалар бар екені анықталды. Оны жақын арада шешу үшін бейінді басқармалар мен бөлімдерге жұмыс барысын бақылау тапсырылды.

 

Абай облысы