Президент тапсырмалары ерекше бақылауға алынсын

«Қазақстан-2050» Стратегиясы міндеттерін тиімді жүзеге асыру және басты мақсат – әлемдегі аса дамыған 30 елдің қатарына ену үшін Қазақстан Республикасы Президентінің Әкімшілігі тарапынан Мемлекет басшысының тапсырмаларын орындауға ба­қы­лауды күшейту және саяси қыз­меткерлердің жауапкершілігін арттыру бойынша жұмыстардың жаңа пішіні енгізілді. Президент Әкімшілігінің құры­лымдық бөлімшелерінде сарап­тамалық топтар құры­лып, Мемлекет басшысы тапсыр­ма­лары­ның сапалы және уақтылы орындалуын бақылау бойынша жаңа жүйе жасалды. Үстіміздегі жылдың сәуірінен бастап Мемлекет басшысының акті­лері мен тапсырмаларын орын­дау бойынша жүргізіліп жат­қан жұмыстар туралы Пре­мьер-Министр Кеңсесі басшы­лы­ғының, министрлердің орын­­басар­ларының, жауапты хат­шы­лардың, облыс әкімдері орын­басарларының, ұлттық компаниялар жетекшілерінің есептері тыңдалатын апта сайынғы кеңес тәжірибесі енгізілді. Кеңес қорытындылары бойынша Президент Әкімшілігі Үкіметке Мемлекет басшысының тапсырмаларын сапалы және уақ­тылы жүзеге асыру бойынша, қажет болған жағдайда орталық жә­не жер­гілікті мемлекеттік орган­дар­дың саяси мемлекеттік қызмет­кер­лерін жауапкершілікке тарту ту­ралы ұсынымдамалар жолдайды. Бірінші кеңестің қоры­тын­ды­лары бойынша Үкіметке Мемлекет басшысының орындалу мерзімі есептік кезеңге сәйкес келген 33 тапсырмасының жүзеге асырылу барысы туралы ұсынымдамалар жолданды. Үкімет енгізілген ұсы­ным­да­малар мен ұсыныстарды орындау бойынша жедел түрде шаралар қабылдады. Қазақстан Республикасы Пре­мьер-Министрінің осы өкімінің не­гізінде Үкіметтің 2014 жылға ар­налған заң жобалау жұмыстарын орындау жоспарының мерзімін бұзғаны үшін Қаржы вице-ми­нистрі Р. Дәленов пен Экономика және бюджеттік жоспарлау вице-министрі М. Әбілқасымоваға, Мо­ноқалаларды дамыту бағдар­ламасын жүзеге асыруға бақы­лауды әлсіреткені үшін Өңір­лік даму вице-министрі С. Жұман­ға­ринге ескертулер жарияланды. Президент Әкімшілігі мен Үкі­меттің Мемлекет басшысының тап­сырмаларын уақтылы және сапалы орындау бойынша бірлескен жұмысы жалғастырылатын болады.