Әскери және құқық қорғау орындарының қызметкерлеріне наградалар тапсырылды

АСТАНА. 6 мамыр. Бүгін Мемлекет басшысының Жарлығымен бір топ әскери, құқық қорғау және ұлттық қауіпсіздік орындарының қызметкерлері мемлекеттік наградалармен марапатталды. Бұл туралы akorda kz хабарлады. Салтанатты жиын барысында Президент: «Баршаңыз үлгі алуға лайықтысыздар, сіздерге қарап жастар бой түзейді. Сіздердің істеріңіз – өз халқын сүюдің және оған адал болудың үздік үлгісі», – деді. Салтанатты рәсім барысында ІІ дәрежелі «Даңқ» орденімен  Экономикалық қылмысқа және сыбайлас жемқорлыққа қарсы күрес агенттігі (қаржы полициясы) төрағасының орынбасары М.Ахметжанов, Ішкі істер министрлігі Қылмыстық-атқару жүйесі комитетінің төрағасы  Б.Бердалин,  Қорғаныс министрлігі 68665 әскери бөлімінің командирі А.Жұмакеев, Ақмола облысының прокуроры М.Исәділов, Астана қаласы төтенше жағдайлар департаментінің бастығы М.Ысқақов және Әуе қорғанысы күштерінің бас қолбасшысы Н.Орманбетов марапатталды. ІІ дәрежелі «Айбын» орденіне Мемлекеттік күзет қызметі бастығы аппаратының басқарма бастығы Р.Жамбылова, Ұлттық қауіпсіздік комитеті департамент бастығының бірінші орынбасары С.Климчук, Қорғаныс министрлігі 14776 әскери бөлімі командирінің орынбасары – бөлім орталығының бастығы А.Мұқатаев, Ұлттық қауіпсіздік комитеті Шекара қызметі жеке авиациялық эскадрильясының командирі Е.Смағұлов лайықты деп танылды. ІІІ дәрежелі «Айбын» орденімен Ішкі істер министрлігі Ішкі әскерлер «Оңтүстік» өңірлік қолбасшылығы 7552 әскери бөлімі атқыштар батальонының бөлімше командирі Ж.Баянбаев, Қорғаныс министрлігі 53898 әскери бөлімі авиациялық эскадрильясының аға авиация механигі Б.Мойнов, Ақмола облысы төтенше жағдайлар департаменті «Өрт сөндіру және апаттық-құтқару жұмыстары қызметі» мемлекеттік мекемесі Көкшетау қаласы № 1 мамандандырылған өрт сөндіру бөлімінің жүргізушісі Ю.Новосельцев, 0112 әскери бөлімінің бөлімше командирі  Ғ.Тойшыбаев наградталды. «Ерлігі үшін» медалімен Қорғаныс министрлігі 64471 әскери бөлімінің аға офицері О.Баукен, Қарағанды облысы төтенше жағдайлар департаменті «Өрт сөндіру және авариялық-құтқару жұмыстары қызметі» мемлекеттік мекемесі өрт сөндіру кезекші қызметі жетекшісінің көмекшісі М.Дүйсенбаев, Павлодар қаласы ішкі істер басқармасы жол-патрульдік полиция батальонының взвод командирінің орынбасары Е.Нұрғалиев, ал «Жауынгерлік ерлігі үшін» медалімен  Қорғаныс министрлігі 74884 әскери бөлімінің командирі А.Асанбай, Қорғаныс министрлігі 65229 әскери бөлімі авиациялық эскадрильясы командирінің орынбасары Д.Гроц, Ұлттық қауіпсіздік комитеті Қостанай облысы бойынша департаментінің басқарма бастығы Ю.Евдокимов марапатталды. Жолдыбай Базар. Дереккөз: akorda kz. Фото: «ҚазАқпарат».