Қоғам • 16 Тамыз, 2022

«Тальгодағы» талан-тараж

388 рет көрсетілді

Темір жол көлігі саласындағы тепсе темір үзетін азаматтардың жем­қор­лық­тың жетегінде кеткені белгілі. Оны қойшы, кейде өзіміз де билет болмаса ақша қыстырып, қыстырылмай діттеген жерімізге жетуге асықпыз. Енді еркіндікке жол жоқ. Антикор «Қазақстан темір жолы» ҰК» АҚ қызметінде сыбайлас жемқорлық қаупі бар-жоғын анықтауға мықтап кірісті.

Сыбайлас жемқорлыққа қар­сы іс-қимыл агенттігінің бас­па­сөз қыз­ме­ті­нің хабарлауынша, құзырлы орган өкілдері ҚТЖ қыз­метіндегі сыбайлас жем­қор­лық тәуекелдеріне сырт­қы талдауды бастап кеткен. Талдауды агенттіктің, Ұлттық компанияның, мүдделі мемлекеттік органдардың мамандары және азаматтық қоғам өкілдері жүргізбек. Талдау барысында темір жол саласында сыбайлас жемқорлық құқық бұзушылықтардың жасалу себеп­те­рі мен жағдайлары зерде­ле­нетін болады. Бұл ұлттық оператор қызметінің тиімділігіне, бұрын мемлекеттік бюджеттен және Ұлттық қордан алынған қаражаттың жұмсалуына әсер етеді деп күтілуде.

Айтып ауыз жиғанша болған жоқ, жақында «Жолаушылар тасымалы» басшылары «Тұлпар-Тальго» по­йыз­да­рының басшы­ларынан сыйақы алып отыр­ғаны әшкереленді. Атап айт­сақ, Қаржылық мониторинг агенттігінің елордалық депар­та­менті «Экспресс» филиа­лы­ның «Жолаушылар тасымалы» акционерлік қоғамының Нұр-Сұлтан қаласы бойынша учас­кесінің басшысы мен оның орын­ба­сарының «Тұлпар-Тальго» по­йыздарының басшыларынан жүйелі түрде ақшалай сыйақы алу фактілерін анықтады.

Белгілі болғандай, «Экспресс» филиалының «Жолаушылар тасымалы» акционерлік қоғамының елордалық учаскесінің басшысы мен оның орынбасары тексеру жүргізбегені үшін әр рейстен заңсыз ақша талап етіп, алып отырған. Бұл іс бойынша барлығы 27 эпизод анықталып отыр. Кінәлілер коммерциялық ұйымдарда басшылық қызмет атқару құқығынан айырылып, 6 миллион теңгеге жуық айыппұл төлеуге тиіс. «Қазіргі уақытта атал­ған ұйымға қылмыстық құ­қық бұзушылық жасауға ықпал еткен мән-жайларды жою туралы ұсыныс енгізілді», делін­ген Қаржылық мониторинг агент­ті­гі­нің баспасөз қыз­меті ұсынған хабарламада.

Соңғы жаңалықтар

Екінші орынға табан тіреді

Спорт • Бүгін, 07:32

Овертаймда жеңді

Хоккей • Бүгін, 07:30

Өзбекстаннан басым түсті

Спорт • Бүгін, 07:28

Шерағаң – сахна төрінде

Театр • Бүгін, 07:27

Көңіл арбаған кеңістік

Әдебиет • Бүгін, 07:23

Ұстаздар ұлықталған күн

Білім • Бүгін, 07:20

Жастар – табиғат қамқоршысы

Экология • Бүгін, 07:17

Қырыққабаттан тарықпайды

Экономика • Бүгін, 07:10

Елшімен кездесті

Қазақстан • Бүгін, 07:00

Мұхтар мен Қайым

Қазақстан • Кеше

Елде қылмыс азайған

Қоғам • Кеше

Ақаң және қазақ радиоcы

Ахмет Байтұрсынұлы • Кеше

Рухты жырдың иесі

Әдебиет • Кеше

Ұқсас жаңалықтар