Өнер • 16 Тамыз, 2022

«Қазақконцерттің» Абай облысына гастрольдік сапары аяқталды

531 рет
көрсетілді
1 мин
оқу үшін

Роза Бағланова атындағы мемлекеттік «Қазақконцерт» концерттік ұйымы гастрольдік маусымы басталған Абай облысынан кейінгі Шығыс Қазақстан облысындағы гастрольдік сапарын аяқтады, деп хабарлайды Egemen.kz.

«Қазақконцерттің» Абай облысына гастрольдік сапары аяқталды

Мемлекет басшысы Қасым-Жомарт Тоқаевтың еліміздегі моноқалаларды жан-жақты дамытуға бағытталған тапсырмаларын орындау мақсатында, алпыс жылдан астам тарихы бар мәдениет пен өнердің қара шаңырағы биыл байырғы гастрольдік сапарларын жаңғыртатын жаңа жобаның тұсауын кесіп, Роза Бағланова атындағы мемлекеттік «Қазақконцерт» концерттік ұйымы 2022-2025 жылдарға арналған жоспары бойынша ел аумағындағы барлық моно-қалалардың, шалғайдағы елді мекен тұрғындары үшін қолжетімді, сапалы мәдени шығармаларды ұсынуға кірісті», деп атап өтті Роза Бағланова атындағы мемлекеттік «Қазақконцерт» концерттік ұйымының директоры Ақтоты Райымқұлова.

Шығармашылық ұжымның гастрольдері ҚР Мәдениет және спорт министрлігінің және облыстардағы  жергілікті  атқарушы органдардың қолдауымен «Ел бірлігі - Жаңа Қазақстан» имидждік жобасының аясында  сәтті өтті.

Шығыс Қазақстан облысындағы сапарында аталған концерттік ұйым ән мен күйден тұратын керуені  Риддер, Серебрянск, Алтай қалаларында болып, моно-қалалардың тұрғындарының ыстық ықыласына бөленді.

«Біздің шағын қаламызға өнер мерекесін ала келген өнер ұжымына алғыс білдіреміз. Роза Бағланова атындағы мемлекеттік «Қазақконцерт» концерттік ұйымының бұл гастрольдік сапары  тек өткенімізді өшірмеуге ғана емес, өскелең ұрпаққа ұлы өнерімізді ұлықтауға үлкен сеп болары анық. Сондықтан Роза Бағланованың бүгінгі ізбасарларына алдағы уақытта өнерлеріне табыс тілей отыра рахметімізді айтамыз»,  деді бір ауыздан Шығыстағы көрермендер.