Anydesk және Teamviewer-ті жүктемеңіз

Криминалдық полиция басқар­ма­сы­ның деректері бойынша, жыл басынан бері қалада 1560 интернет-алаяқтық фак­тісі тіркелген. Соңғы 5 жыл ішін­де­гі мәліметтерге сүйенсек, 2017 жылы қалада – 90, 2018 жылы – 142, 2019 жылы – 666, 2020 жылы – 1677, өткен жылы 3398 интернет-алаяқтық тіркелген. Ал мұндай қыл­мыс түрлерін ашу 4,3 есе өскен. Өткен жылдың сәйкес кезеңімен са­лыс­тырғанда қылмыс саны 34,6 па­йыз­ға азайған. Қуатбек На­уа­­товтың айтуынша, осы жылдың 7 айында мұндай қылмыстарды ашу көрсеткіші 30 пайызға артып отыр. «Интернет саласындағы қылмыстар санының азаюына тәртіп сақшылары жүргізетін профилактикалық жұмыстар ықпал етуде. Ведомствоның жедел қызмет­кер­лері мен баспасөз қызметі тарат­қан хабарламалар, алаяқтардың қыл­мыс­тық сызбалары туралы бейнебаян, ақпараттар орталық көшелер мен кинотеатрлардың электронды билбордтарында орналастырылған», дейді басқарма басшысы. Департамент өкілі қала тұрғындарын сақ болуға шақы­ра отырып, бейтаныс адамдардың өті­ніші бойынша Anydesk және Teamviewer сынды қашықтан кіру бағ­­дар­­­­­л­амаларын орнатпауды ескертті. Бұл бағдарламалар алаяқтарға телефон кітап­шасына, мобильді банк­тер­ге және гаджеттің жадында сақ­тал­ған басқа жеке мәліметтерге толық қол жеткізуге мүмкіндік береді. Ал­дау­дың танымал тәсілдерінің бірі – өздерін банктің қауіпсіздік қыз­меткері ретінде таныстыратын қо­ңы­рау­лар. Жәбірленушілермен әңгіме ба­рысында олар өздерінің шоттарынан күдікті транзакциялар жасалып, жаңылыстырылғанын айтады. Жәбірленушілерден ақша қаражатын үнемдеу мақсатында ұялы телефонына Anydesk немесе Teamviewer қосымшаларын жүктеуді сұрайды. Бұл бағдарламалар смартфонға және сәйкесінше мобильді банкинг қосым­ша­сына толық қол жеткізуге мүмкіндік береді. Соның нәтижесінде алаяқтар жалған шоттарға заңсыз транзакциялар жүргізеді. Бұл – алаяқтардың жиі қол­данатын әдісі. Осы әдіс бойынша әрекет еткен 461 қылмыстық іс сотқа жолданды.

Мұндай жағдайда Қуатбек Науатов дереу полицияға хабарласуды, сонымен бірге барлық хат-хабарды сақ­тау­ды, экранның скриншотын тү­сіруді (кейбір мессенджерлерде қыл­мыс­кер­лер барлық диалогті өздері жоя алады), банкомат немесе ақша салу терминалын қолданғанда чек­терді сақтау қа­жет­­тігін ескертті. Қ.Науатовтың ай­туын­ша, интернеттегі алаяқ­тықты әш­­­­керелеу және тергеу қиын. Өйткені ол трансшекаралық сипатқа ие, яғни жәбірленуші бір аймақта, ал қыл­мыс­кер басқа елде отыруы мүмкін. Мұндай тәсілдерде әртүрлі банк шоттары, пластикалық карталар, үшінші тұлғаларға ресімделген абоненттік нөмірлер пайдаланылып, қолма-қол ақшаға айналдыру жалған тұлғалар арқылы іске асады. Olx.kz, Kolesa.kz, Krisha.kz, Market.kz, Instagram.com және Vkontakte.com әлеу­меттік желілер интернет-алаяқтық кең тараған платформалар болып табы­ла­ды.

Сондықтан онлайн-қызметтерді пайдалану және интернет арқылы тауарларды сатып алу кезінде абай болу қажет. Жеке банк карталары, жеке бас­қа қатысты деректерді берудің қа­жеті жоқ. Сондай-ақ интернеттен сатып алынған өнімге алдын ала төлем жүр­гіз­бестен бұрын интернет дүкен жайлы ақпаратты тексеріп алған жөн.

АЛМАТЫ