Елімізде қамкөңіл жандарға жасалып жатқан игі шаралар жетерлік. Соның бірі жуырда Астанадағы «Балалар үйі» мекемесінде өтті. Қазақстан темір жолы ұлттық компаниясының еншілес кәсіпорны «Әскерилендірілген темір жол күзеті» АҚ ұжымы аталған балалар үйінің тәрбиеленушісі Анастасия Зубованы қоғам қамқорлығына алып, оған 530 мың теңгелік сертификатты табыс етті. Бүлдіршіннің банктегі арнайы ашылған есеп шотына ол он сегіз жасқа толғанша жыл сайын осындай қаржы аударылып тұрмақ. Бұл оның болашақта жоғары оқу орнына түсіп, білікті маман болуы үшін жасалып жатқан игілікті шара болмақ.
«Елбасы Нұрсұлтан Назарбаевтың «Қазақстан жолы – 2050: бір мақсат, бір мүдде, бір болашақ» атты ел халқына Жолдауы аясында «Әскерилендірілген темір жол күзеті» АҚ басшылығы мен қызметкерлерінің қатысуымен өткен кеңесте әлеуметтік ахуалы төмен, өмірдің қадамын балалар үйінде бастап, ата-ана жылуын көрмей өсіп келе жатқан жасөспірімдерді қоғам қарамағына алу, сонымен қатар, оларды жоғары білім беру мекемелерінде оқыту үшін қаражат жинастырып, болашақта жұмысқа орналасуға барынша атсалысуды жүзеге асыру мақсатында ұжымдық шешім қабылданған-ды. Бүгінгі таңда осы ұжымдық шешімімізді іске асыруда Өскемен қаласындағы балар үйінің екі жасөспірімі мен Қарағанды қаласындағы балалар үйінің бір баласы қоғам ұжымының патронаттық қарамағына алынды. Бұйыртса жақын арада өзге де қалаларда орналасқан балалар үйіндегі халқымыздың жасөспірімдеріне қолдау көрсетуді ниет етудеміз», – дейді шарада сөз алған «Әскерилендірілген темір жол күзеті» АҚ-тың экономика және қаржы жөніндегі вице-президенті Нұржан Дәулетбаев. Сондай-ақ, бүгінгі сертификат иесі А.Зубова өзіне жасалған қамқорлыққа шексіз риза екендігін айтып, болашақта еліміздің білімді азаматы болу үшін барын салатындығын жеткізді.
Салтанатты шара арнайы концерттік бағдарламамен өз жалғасын тауып, жиылған жұртқа ерекше көңіл-күй сыйлады.
Әбдірахман ҚЫДЫРБЕК,
«Егемен Қазақстан».
«Елбасы Нұрсұлтан Назарбаевтың «Қазақстан жолы – 2050: бір мақсат, бір мүдде, бір болашақ» атты ел халқына Жолдауы аясында «Әскерилендірілген темір жол күзеті» АҚ басшылығы мен қызметкерлерінің қатысуымен өткен кеңесте әлеуметтік ахуалы төмен, өмірдің қадамын балалар үйінде бастап, ата-ана жылуын көрмей өсіп келе жатқан жасөспірімдерді қоғам қарамағына алу, сонымен қатар, оларды жоғары білім беру мекемелерінде оқыту үшін қаражат жинастырып, болашақта жұмысқа орналасуға барынша атсалысуды жүзеге асыру мақсатында ұжымдық шешім қабылданған-ды. Бүгінгі таңда осы ұжымдық шешімімізді іске асыруда Өскемен қаласындағы балар үйінің екі жасөспірімі мен Қарағанды қаласындағы балалар үйінің бір баласы қоғам ұжымының патронаттық қарамағына алынды. Бұйыртса жақын арада өзге де қалаларда орналасқан балалар үйіндегі халқымыздың жасөспірімдеріне қолдау көрсетуді ниет етудеміз», – дейді шарада сөз алған «Әскерилендірілген темір жол күзеті» АҚ-тың экономика және қаржы жөніндегі вице-президенті Нұржан Дәулетбаев. Сондай-ақ, бүгінгі сертификат иесі А.Зубова өзіне жасалған қамқорлыққа шексіз риза екендігін айтып, болашақта еліміздің білімді азаматы болу үшін барын салатындығын жеткізді.
Салтанатты шара арнайы концерттік бағдарламамен өз жалғасын тауып, жиылған жұртқа ерекше көңіл-күй сыйлады.
Әбдірахман ҚЫДЫРБЕК,
«Егемен Қазақстан».
