Кино • 20 Қыркүйек, 2022

«Мұқағали» арнайы сыйлық алды

251 рет
көрсетілді
1 мин
оқу үшін

Белгілі қазақстандық ре­жис­сер Болат Қалым­бе­­товтың «Мұқағали» фильмі XVIII Қазан ха­лық­­­аралық мұсылман ки­но­­фестивалінің негізгі бай­қау бағдарламасында қа­зылар алқасының арнайы сыйлығына ие болды.

«Мұқағали» арнайы сыйлық алды

Негізгі байқау бағдарламасына 10 картина, Түркия, Қазақстан, Үндістан, Иран, Бангладеш, Ресей, Египет, Шри-Ланка фильмдері, сондай-ақ копродукцияда түсі­рілген екі таспа ұсынылды. Биыл әлемнің 44 елінен барлығы 625 өтінім тіркелді.

Мәдениет және спорт ми­нис­тр­лігінің тапсырысы бойын­ша Шәкен Айманов атындағы «Қа­зақфильм» киностудиясы түсір­ген кинотаспа аты аңызға айналған қазақ ақыны Мұқағали Мақа­таевтың өмірінің соңғы жылдары туралы баяндайды.

Естеріңізге сала кетейік, фильм­­нің әлемдік премьерасы «Қа­­раң­ғы түндер» (PÖFF) 25-ші Тал­­лин кинофестивалінің  аясында өтті, онда қазақстандық фильм экуме­никалық қазылар алқасының сыйлығын алды.

Ағымдағы жылдың наурыз айында биографиялық картина Кера­ладағы (Үндістан) 26-шы Халық­аралық кинофестивальдің «Әлем­дік кино» секциясында ұсынылды.

Тамыз айының басында фильм Қырғызстанда «Қазақстандық кино күндерін» ашты. 15-20 қыркүйек ара­лығында фильм Гатчиндегі 28-ші Халықаралық «Әдебиет және кино» кинофестиваліне қатысады. (Ресей).